गेल्या काही दिवसांपासून परतीच्या पावसाने धुमाकूळ घातला असून मलपण-सत्तरी येथे मंगळवारी संध्याकाळी चक्रीवादळाच्या तडाख्यात अनेक ठिकाणी झाडांची पडझड झाली. रस्त्यांवर झाडे पडल्यामुळे वाहतुकीची प्रचंड कोंडी झाली.
दोन ठिकाणी घरांवर झाडे पडली. मलपण येथील रोहिदास गावकर यांच्या घराचे पूर्ण पत्र्याचे छत वाऱ्याच्या तडाख्यात उडून गेले. त्यामुळे त्यांना सुमारे साडेचार ते पाच लाखांचे नुकसान झाले. तसेच झाडे रस्त्यावर पडताना अनेक ठिकाणी वीजखांब तसेच वीजवाहिन्यांवर कोसळल्याने मोठे नुकसान झाले. त्यामुळे मलपण परिसर काळोखात होता.
सत्तरीत परतीच्या पावसाचा जोर सुरूच असून रोज दुपारनंतर जोरदार पावसाला सुरवात होते. त्यामुळे पडझडीच्या घटना सुरुच आहेत.
या पडझडीत सुमारे ७ लाखांचे नुकसान झाले. वाळपई अग्निशमन दलाचे अधिकारी संतोष गावकर यांच्या मार्गदर्शनाखाली जवानांनी तातडीने मदतकार्य सुरू होते. दुपारी ३ च्या सुमारास जवानांनी सुरू केलेले मदतकार्य रात्री ९ वाजेपर्यंत सुरू होते.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.