डिचोली: निवृत्त सैनिक (Retired soldier) असलेल्या भोळवाडा-कारापूर येथील 45 वर्षीय विवाहिताने आपल्या राहत्या घरासमोरच गळफास लावून आत्महत्या केल्याची घटना सोमवारी सकाळी घडली. त्यांचे नाव प्रवीण चुंबाळकर असे असून, सध्या ते सचिवालयात नोकरीला होते. सकाळी घरासमोरील अंगणात प्रवीण याचा मृतदेह लटकत असल्याचे त्याच्या पत्नीच्या निदर्शनास आले. नंतर तिने एकच आक्रोश सुरु झाला. पोलिसांना घटनेची माहिती मिळताच पोलिसांनी पंचनामा करून मृतदेह ताब्यात घेतला. नंतर उत्तरीय तपासणीसाठी बांबोळी (GMCH) येथे पाठवण्यात आला.

सुसाईड नोटमध्ये काय?

प्रवीण यांनी जीवनाचा शेवट करण्यापुर्वी ‘गिरण व्यवसाय आणि मुलांना सांभाळा. सॉरी..!'' अशा आशयाची चिठ्ठी लिहून ठेवली होती. अशी माहिती समोर आली आहे. मात्र त्यात आत्महत्येचे कारण मात्र स्पष्ट नाही. त्यामुळे या घटनेमागे गूढ निर्माण झाले आहे. त्यादृष्टीने पोलिस तपास चालू आहे. प्रवीण हे मये भाजप महिला मोर्चाची अध्यक्ष ज्योत्स्ना चुंबाळकर यांचे पती होत.