मडगाव: गोवा फॉरवर्डने आपले पाहिले दोन उमेदवार आज जाहीर केले. फातोर्डा मतदारसंघात पक्षाचे अध्यक्ष व विद्यमान आमदार विजय सरदेसाई (Vijay Sardesai) तर मये मतदारसंघात संतोषकुमार सावंत यांची उमेदवारी आज पक्षाचे सरचिटणीस मोहनदास लोलयेकर (Mohandas Lolayekar) यांनी जाहीर केली.
गोवा फॉरवर्ड पक्षाने (Goa Forward Party) काँग्रेस बरोबर युती केली असून काल काँग्रेसने पहिल्या टप्प्यात या दोन जागा गोवा फॉरवर्डला सोडल्या होत्या. दुसऱ्या टप्प्यात गोवा फॉरवर्डला सांतआंद्रे आणि मांद्रे या दोन जागा मिळण्याची शक्यता व्यक्त केली जात असून काणकोण मतदारसंघही गोवा फॉरवर्डला मिळावा यासाठी वाटाघाटी चालू असल्याची माहिती प्राप्त झाली आहे.
गोवा फॉरवर्ड आणि काँग्रेस (Congress) युती या निवडणुकीत चांगली कामगिरी करून भाजपला नक्कीच सत्तेबाहेर करतील असा विश्वास गोवा फॉरवर्डतर्फे व्यक्त करण्यात आला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
