Temperature Falling in Goa: गोव्याच्या कमाल तापमानात बुधवारी एक अंश सेल्सियसने घट झाली. त्यामुळे कडक उन्हाळ्यात गोवेकरांना थोडा दिलासा मिळाला. गोव्याची राजधानी पणजीत तापमान 33.6 आणि मुरगाव येथे 33.2 अंश सेल्सिअसपर्यंत खाली आले होते.

दरम्यान, येत्या काही दिवसांत गोव्यात काही ठिकाणी हलका पाऊस आणि मेघगर्जनेसह वादळी पावसाचा अंदाज वर्तवला आहे.

भारतीय हवामान विभागाने (IMD) आधीच्या अंदाजात तापमानात वाढ होईल, असे म्हटले होते. कमाल तापमान 35 अंश सेल्सियस आणि किमान तापमान 25 अंश सेल्सियस राहिल, असे गोवा वेधशाळेने म्हटले होते.

बुधवारी राज्यात कोरडे हवामान होते आणि काही ठिकाणी सकाळी धुकेही पडले होते. दरम्यान, गुरुवारी काही ठिकाणी हलका पाऊस आणि मेघगर्जनेसह हवामानात किंचित बदल होऊ शकतो, असे वेधशाळेने म्हटले आहे.

शुक्रवार, शनिवार आणि रविवारी काही ठिकाणी हलका पाऊस आणि मेघगर्जनेसह पावसाची शक्यता आहे. पुढील चार ते पाच दिवस कमाल तापमानात मोठा बदल अपेक्षित नाही.