Christmas Festival : धार्मिक कार्यक्रमांसाठी मध्यरात्रीची संगीत मर्यादा शिथील करा अशी मागणी बाणावलीचे आमदार वेन्झी विएगस (MLA Venzy Viegas) यांनी केली आहे. याबाबत आमदार विएगस यांनी गुरूवारी मुख्यमंत्री डॉ. प्रमोद सावंत (CM Dr. Pramod Sawant) यांना पत्र लिहले आहे. सरकारने मर्यादीत आवाजासाठीचे नियम नाताळच्या काळात शिथील करावेत असे आमदार विएगस यांनी पत्रात म्हटले आहे.

आमदार विएगस यांनी सरकारने गुरुवारी जारी केलेल्या अधिसूचनेत बदल करण्याची मागणी मुख्यमंत्री प्रमोद सावत यांच्याकडे केली आहे. 31 डिसेंबर आणि 1 जानेवारी रोजी चर्चमध्ये आयोजित धार्मिक कार्यक्रमांसाठी देखील हीच तरतूद केली जावी. असे विएगस यांनी पत्रात म्हटले आहे. सरकारने गोव्याच्या परंपरेचा आदर करावा, असे आवाहन त्यांनी केले आहे.

राज्य सरकारच्या नवीन अधिसूचनेनुसार, वर्षातील विशेष धार्मिक आणि सांस्कृतिक उत्सवाच्या दिवशी रात्री 10 आणि मध्यरात्रीच्या संगीत आणि सार्वजनिक कार्यक्रमातील मोठ्या आवाजावर बंदी घालण्यात आली आहे. गोव्यात अनेक चर्च आणि कॅथोलिक संस्था पारंपारिकपद्धतीने नाताळच्या पूर्वसंध्येला (Christmas Eve and Christmas Day) मध्यरात्री धार्मिक कार्यक्रम आयोजित करतात. दरम्यान, आवाजावर सरकारने बंदी घातल्याने या सेवांवर अनिश्चिततेचे ढग आले आहेत.