मडगाव : कुडतरीतील प्रभाग फेररचना अत्यंत अन्यायकारक पध्दतीने झाल्याचा व ती करताना स्थानिक पंचायतीलाही विश्र्वासात घेतले नसल्याचा आरोप माजी आमदार आलेक्स रेजिनाल्ड (Aleixo Reginaldo) यांनी केला आहे.

रेजिनाल्ड म्हणाले, प्रत्यक्षात अशा फेररचनेसाठी नियमावली तयार करायला हवी पण ती केलेली नाही तसेच ती करताना समानता ठेवलेली नाही. त्यामुळे काही प्रभागांवर मोठा अन्याय झालेला आहे. या संदर्भात राज्य निवडणूक आयोग (State Election Commission) व अन्य संबंधितांना निवेदने सादर केलेली असून हा मसुदा त्वरित मागे घ्यावा व त्यात आवश्यक त्या सुधारणा कराव्यात, अशी मागणी आपण केली आहे. रेजिनाल्ड यांनी तेथील प्रभाग क्र. मध्ये नव्या पुनर्रचनेत ४६७ तर प्रभाग क्र.७ मध्ये त्याच्या तिप्पट म्हणजे १५९९ मतदार कसे, असा सवाल केला आहे.