मडगाव: काँग्रेस पक्षाने अव्हेरलेले कुडतरीचे माजी आमदार आलेक्स रेजिनाल्ड लॉरेन्स यांना आता राष्ट्रवादी काँग्रेसने पक्षात सामील होण्याचे आमंत्रण दिले आहे. राष्ट्रवादी काँग्रेसचे प्रदेशाध्यक्ष जुझे फिलीप डिसोझा यांनी ही माहिती दिली. राष्ट्रवादी पक्षात (Goa NCP) अन्य काही नेते नजीकच्या काळात सामील होऊ शकतात, असेही संकेत त्यांनी दिले.
(NCP has invited Aleixo Reginaldo Lawrence to join party for goa election)
जलस्रोतमंत्री फिलीप नेरी रॉड्रिग्स हेही राष्ट्रवादी पक्षात प्रवेश करतील, अशी चर्चा सुरू असून माजी मंत्री मिकी पाशेको हेही त्याच वाटेवर असल्याचे सांगितले जाते. यासंबंधी डिसोझा यांना विचारले असता, अजून तरी यापैकी दोघांनीही आमच्याशी संपर्क साधलेला नाही. त्यांनी संपर्क साधला तर त्यावर पक्षश्रेष्ठी योग्य तो निर्णय घेतील, असे ते म्हणाले.
काँग्रेसचे (Goa Congress) उमेदवार पाडण्याचा पण
काँग्रेसने उमेदवारी डावलून बाणावलीत टोनी डायस यांना उमेदवारी दिल्याने नाराज झालेले माजी मंत्री मिकी पाशेको (Mickey Pashko) यांनी बाणावली आणि नुवे या दोन्ही मतदारसंघांत काँग्रेसचे उमेदवार पाडण्याचा पण केल्याचे वृत्त आहे. काँग्रेस गट समितीला अजिबात कल्पना न देता टोनी डायस यांना उमेदवारी दिल्याने बाणावली काँग्रेस गटात संतापाचे वातावरण पसरले आहे. या मतदारसंघात मिकी पाशेको यांच्यासह रॉयला फर्नांडिस, जीना परेरा, एडविन बार्रेटो आणि ट्रॅव्हर फर्नांडिस यांनी काँग्रेस उमेदवारीवर दावा केला होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
