Rawanfond News : सासष्टी, रावणफोंड-मडगाव येथील श्री गणपती मुरुगन मंदिरात कार्तिक पौर्णिमेनिमित्त २६ व २७ नोव्हेंबर रोजी उत्सव आयोजित करण्यात आला आहे.

दोन्ही दिवस मंदिर पहाटे ५ ते रात्री १० वा.पर्यंत दर्शन व अभिषेकासाठी खुले ठेवण्यात येईल. अभिषेक व पूजा करू इच्छिणाऱ्या भाविकांनी येताना पूजेचे साहित्य व सोवळे घेऊन यावे, असे देवस्थानतर्फे आवाहन करण्यात आले आहे.

हे मंदिर श्री गणपती, गणपतीचा भाऊ कार्तिकस्वामी व नवग्रहांसहित आहे. कोकणातील श्री गणपती व श्री मुरुगन यांच्या एकत्र मूर्ती असलेले एकमेव मंदिर आहे. त्यामुळे संपूर्ण गोव्यासह कर्नाटक व महाराष्ट्रातील भाविक मंदिराला मोठ्या संख्येने नित्यनेमाने भेट देतात.