डिचोली: शिवप्रेमींतर्फे येत्या शनिवारी डिचोलीत हिंदवी स्वराज्य संस्थापक छत्रपती शिवाजी महाराज यांची जयंती विविध कार्यक्रमांनिशी साजरी करण्यात येणार आहे. त्यानिमित्त दुचाकी रॅलीचे आयोजन करण्यात आले आहे. पाजवाडा येथील श्री दत्तात्रय मंदिराकडून सकाळी 9 वा. दुचाकी रॅलीला सुरवात होणारआहे.

शहरात रॅली काढल्यानंतर येथील जुन्या बसस्थानकावर छत्रपती शिवाजी महाराजांच्या पुतळ्याजवळ रॅलीचा समारोप होणार आहे. समारोप सोहळ्यास प्रमुख पाहूणे म्हणून गोमंतक मराठी अकादमीचे अध्यक्ष प्रा. अनिल सामंत उपस्थित राहणार आहेत.

रॅलीमध्ये शांतादुर्गा विद्यालया समोरील सर्कलवरील छत्रपती शिवरायांच्या अश्वारुढ पुतळ्याला पुष्पहार अर्पण करण्यात येणार आहे. नंतर शारदा नगर आणि शेवटी जुन्या बसस्थानकावरील शिवरायांच्या पुतळ्याला पुष्पहार अर्पण करण्यात येणार आहे.