मडगाव: मित्राची बर्थडे पार्टी आटपून दुचाकीवरून परतत असताना पार्क करून ठेवलेल्या एका लॉरीला धडक दिल्याने लक्ष्य वधवा (२२) हा युवक ठार झाला. सोमवारी (०८ सप्टेंबर) पहाटे चारच्या सुमारास मोबोर-केळशी येथे हा अपघात घडला.
तो मूळ राजस्थान राज्यातील जयपूर येथील आहे. मोबोर येथील एका पंचतारांकित हॉटेलात तो फ्रंट ऑफिसर म्हणून कामाला होता, अशी माहिती कोलवा पोलिसांनी दिली आहे.
दैव बलवत्तर म्हणून...
पणजी: कदंब परिवहन महामंडळाची इलेक्ट्रिक सिटी बस सोमवारी दुपारी नियंत्रणाबाहेर गेली आणि पणजी बसस्थानकावर थांबण्यापूर्वी अनेक पार्क केलेल्या वाहनांना धडकली.
बसचे ब्रेक फेल झाल्यामुळे अपघात झाल्याचा दावा चालकाने केला. सुदैवाने कोणतीही मोठी दुखापत झाली नाही; परंतु अनेक वाहनांचे नुकसान झाले.
हणजूण-वागातोर : राज्यात पर्यटकांची दादागिरी वाढत चालली आहे. सुरक्षारक्षक आणि जीवरक्षकांच्या सूचनेकडे दुर्लक्ष करून येथील किनाऱ्यावर नेलेली गाड़ी (एमएच-१४-एमएल-७९७०) अखेर वाळूत रुतली. त्यामुळे ती पाण्याबाहेर काढण्यासाठी जीवरक्षकांना कठोर परिश्रम घ्यावे लागले. पोलिसांनी त्या पर्यटकावर कायदेशीर कारवाई केली आहे
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.