अखिल भारतीय काँग्रेस कमिटीच्या (AICC) प्रवक्त्या अलका लांबा यांच्या म्हणण्यानुसार, काँग्रेस नेते राहुल गांधी सर्व 40 काँग्रेस आणि आघाडीच्या उमेदवारांना भेटणार आहेत. ते पर्यटन क्षेत्रातील संबंधितांशीही बैठक घेतील आणि घरोघरी प्रचारात सहभागी होणार आहेत. राहुल गांधी (Rahul Gandhi) साखळी येथे डिजिटल-कम-फिजिकल हायब्रीड रॅलीला संबोधित करणार आहेत.

याठिकाणाहून इतर 39 मतदारसंघातील उमेदवार आणि जनतेशी एकाच वेळी संवाद साधणार असल्याची देखील माहिती यावेळी पक्षाने दिली होती. तसेच राहुल गांधी 2 फेब्रुवारीला गोवा दौऱ्यावर येणार होते, मात्र आज केंद्रीय बजेट सादर झाल्यामुळे विरोधक सरकारला बजेट वरुण घेरण्याची शक्यता आहे. त्यामुळे त्यांचा दौरा पुढे ढकलण्यात आला आहे. विधानसभा निवडणुकीसाठी (Assembly Election) काँग्रेसने 37 उमेदवार उभे केले आहेत, तर गोवा फॉरवर्ड (Goa Forward) पार्टीने (GFP) 3 उमेदवार उभे केले आहेत. गोव्यात 14 फेब्रुवारीला मतदान होणार आहे.