मोदी आडनावाविषयी आक्षेपार्ह टिप्पणी केल्याप्रकरणी दाखल खटल्यात काँग्रेस नेते राहुल गांधी दोषी ठरले. त्यानंतर गांधी यांची खासदारकी रद्द करण्याचा निर्णय लोकसभा अध्यक्षांनी घेतला.

नुकतेच 'मोदी आडनाव' बदनामी प्रकरणात कनिष्ठ न्यायालयाने सुनावलेल्या 2 वर्षांच्या शिक्षेला स्थगिती देण्यास नकार देत न्यायालयाने राहुल गांधींची याचिका फेटाळली आहे. या पार्श्वभूमीवर राहुल गांधींच्या समर्थनात गोवा प्रदेश काँग्रेसच्या वतीने तोंडाला काळी पट्टी बांधून मौन सत्याग्रह केला.

पणजीतील आझाद मैदान येथे दुपारी बारा वाजता काँग्रेसच्या मौन सत्याग्रहाला सुरूवात झाली. यात प्रदेशाध्यक्ष अमित पाटकर, आमदारा कार्लुस फरेरा यांच्यासह विविध नेते, पदाधिकारी आणि कार्यकर्ते सहभाग घेतला.

'मोदी आडनाव' बदनामी प्रकरणात दाखल मानहानीच्या खटल्यात दोषी ठरल्यानंतर राहुल गांधी यांना सुरत सत्र न्यायालयाने दोन वर्षांची शिक्षा सुनावली होती. त्यानंतर आता राहुल गांधी यांच्यावर लोकसभा अध्यक्षांकडून अपात्रतेची कारवाई करण्यात आली. दरम्यान, राहुल गांधी यांनी शिक्षेला स्थगिती देण्यासाठी केलेली याचिका फेटाळली आहे. शुक्रवारी (दि.07) झालेल्या सुनावणीत राहुल गांधींच्या शिक्षेला स्थगिती देण्यास नकार दिला आहे.

नेमकं प्रकरण काय ?

राहुल गांधींनी गेल्या लोकसभा निवडणुकीच्या प्रचारात मोदी आडनावावरुन टिप्पणी केली होती. ललित मोदी असो वा नीरव मोदी वा नरेंद्र मोदी यांची नावे घेत त्यांनी सर्व चोरांचे आडनाव मोदी कसे? असे वक्तव्य केले होते.

राहुल गांधींच्या या वक्तव्यावर आक्षेप घेत भाजप आमदार पूर्णेश मोदी यांनी राहुल गांधींच्या विरोधात सुरत न्यायालयात मानहानीचा खटला दाखल केला होता. या खटल्यात सुरत जिल्हा व सत्र न्यायालयाने गुरुवारी राहुल गांधी यांना दोन वर्षांच्या कारावासाची शिक्षा सुनावली होती. त्यानंतर राहुल गांधी यांच्यावर लोकसभा अध्यक्षांकडून अपात्रतेची कारवाई करण्यात आली.