मडगाव: पावसाळ्यात गोव्यातील मासेमारी बंद असल्याने शेजारच्या राज्यातून मासे विक्रीसाठी गोव्यात येत आहेत. मात्र, परराज्यातून येणा-या या माशांची स्वच्छता आणि गुणवत्ता (Unhygienic Fish) याबाबत प्रश्न उपस्थित केले जात आहेत. त्यामुळे परराज्यातून येणा-या मासे गोवा वासियांच्या (Goans) आरोग्यासाठी चिंतेचा विषय ठरत आहे.

मडगाव रेल्वे स्थानकावर (Margao Railway Station) येणा-या सीफूडची फॉर्मेलन तपासणी केली जात नाही. तसेच, फलाटावर ठेवलेल्या थर्माकोलच्या बॉक्समधून परिसरात दुर्गंधी पसरते. मडगाव रेल्वे स्थानकावर मासळीची वाहतूक आणि विक्रीचे नियम सर्सासपणे डावलले जात आहेत. असे येथील स्थानिक नागरिक सांगतात. त्यामुळे बाहेर येणारे सीफूड किती आरोग्यदायी असेल याबाबत शंका उपस्थित केली जात आहे.

थर्माकोलच्या बॉक्समधून येणारे दुर्गंधीयुक्त पाणी फलाटावर पडत असल्याने, सर्व परिसरात दुर्गंधी पसरते. केरळ व इतर राज्यातून येणारे मासे यांची कोणत्याही प्रकारची स्वच्छता तसेच गुणवत्ता चाचणी केली जात नसल्याचे वेळोवेळी दिसून आले आहे.

दरम्यान, दक्षिण गोवा जिल्हाधिकारी (South Goa) कार्यालयाने अन्न आणि औषध प्रशासन विभागाने (FDA) या विषयात तात्काळ लक्ष घालण्याची सूचना