पणजी: दिवाळीची सुट्टी जवळ येत आहे. शाळा, महाविद्यालयांसह सरकारी कर्मचारी ते खासगी क्षेत्रातील देखील कामगारांना काही दिवस सुट्टी मिळते. सुट्टीच्या काळात अनेकजण विविध ठिकाणी ट्रीपचे नियोजन करत असतात.
हॉट डेस्टिनेशनमध्ये गोवा नेहमीच पहिली पसंती असते. पण, खर्चाचे नियोजन होत नाही आणि गोवा ट्रीप कॅन्सल होते. तर जाणून घेऊया गोव्याला जाण्यासाठी बस आणि विमानाने किती खर्च येईल.
पुणे किंवा मुंबईतून गोव्याला जाणाऱ्यांची संख्या अधिक असते. त्यातही स्लिपर किंवा २ बाय २ सिटींग बसने प्रवासाचा पर्याय निवडल्यास प्रवास भाड्यात तफावत दिसू शकते.
पुणे ते गोवा बस प्रवास
पुण्यातून गोव्याला स्लिपर बसने जाण्यासाठी साधारण १४०० ते २००० रुपये तिकिटासाठी मोजावे लागतील. तर, २ बाय २ सिटींग बसच्या जाण्याचा पर्याय निवडल्यास ८००, ९०० ते १००० रुपयांपर्यंत खर्च येऊ शकतो. वरील दर ०१ नोव्हेंबरनुसार देण्यात आले आहेत. यात बदल होऊ शकतो.
मुंबई ते गोवा बस प्रवास
मुंबईतून गोव्याला बस प्रवास काहीसा महागडा ठरु शकतो. स्लिपर कोचसाठी तुम्हाला २,५०० ते ३,००० रुपयांपर्यंत पैसे मोजावे लागू शकतात. तर सिटींगसाठी हजार ते दीड हजार रुपये मोजावे लागू शकतात. यातही बसचा दर्जा आणि मुंबईतून बसण्याचे ठिकाण यावर देखील तिकीटात फरक पाहायला मिळू शकतो.
मुंबई ते गोवा ट्रेन प्रवास
पुणे किंवा मुंबईतून गोव्याला जाण्यासाठी सर्वाधिक ट्रेन प्रवासाला पसंती दिली जाते. मुंबईतून गोव्याला जाण्यासाठी स्लिपर कोचसाठी ४३५ रुपये पर्यंत पैसे मोजावे लागतील. तुम्ही जर तेजस व्हिस्टा डोममधून प्रवास करणार असाल तर त्याचे दर खाली जोडलेल्या फोटोत देण्यात आले आहेत.
पुणे ते गोवा ट्रेन प्रवास
पुण्यातून गोव्याला जाण्यासाठी गोवा एक्सप्रेसला पसंती देतात. गोवा एक्सप्रेसने गोव्याला जाण्यासाठी स्लिपर कोचसाठी साडे तिनशे ते चारशे रुपये खर्च येतो. सायंकाळी साडे पाच वाजता पुण्यातून निघणारी ही ट्रेन दुसऱ्या दिवशी सकाळी नऊ ते दहा वाजता वास्को द गामा येथे पोहोचते.
पुणे ते गोवा
पुण्यातून विमानाने गोव्याला जाण्यासाठी ३,२०० ते ७ ते ९ हजार रुपये मोजावे लागतील. (ऑनलाईन संकेतस्थळावर एक नोव्हेंबरसाठी तपासलेल्या दरानुसार मिळालेली माहिती खाली जोडण्यात आली आहे.)
मुंबई ते गोवा विमान प्रवासासाठी ३,२०० ते ५,००० रुपये मोजावे लागणार आहेत. ऑनलाईन संकेतस्थळावरील माहितीनुसार विमान प्रवासाचे दर वरती जोडण्यात आले आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.