कोकणी नाटके आता व्यावसायिक रंगभूमीवर येऊ लागली आहेत. भविष्यात कोकणी नाटकांना उज्ज्वल भवितव्य आहे, असे प्रतिपादन ‘ज्ञानपीठ’ पुरस्कार विजेते दामोदर मावजो यांनी केले. मडगाव येथील ‘भांगराळें गोंय अस्मिताय’तर्फे आयोजित श्रीमती सुमती रामा नाईक स्मृती कोकणी नाट्यस्पर्धेच्या बक्षीस वितरण सोहळ्यात ते प्रमुख पाहुणे म्हणून बोलत होते.
यावेळी प्रतिभावंत कवी तथा कलाकार सागर नाईक मुळे खास आमंत्रित म्हणून उपस्थित होते. ‘भांगराळो गोंयकार’ या प्रतिष्ठेच्या पुरस्काराने वास्को येथील डॉ. प्रदीप बोरकर यांना सन्मानित करण्यात आले.
‘नित्य युवा पुरस्कार’ सत्तरीतील नाट्यदिग्दर्शक विनय विष्णू गावस यांना प्रदान करण्यात आला. याप्रसंगी राजेश प्रभू, सचिव पंढरीनाथ परब, खजिनदार एकनाथ मराठे, संस्थापक अध्यक्ष डॉ. पूर्णानंद च्यारी उपस्थित होते.
स्पर्धेतील प्रथम बक्षीस व फिरता चषक साखळी येथील श्री राधाकृष्ण मुरलीधर संस्थेच्या ‘आगळें तूं वेगळें हांव’ या नाटकाला प्राप्त झाले. द्वितीय बक्षीस मासोर्डे-सत्तरी येथील ‘कला अविष्कार’ संस्थेच्या ‘पूर्णविराम’ या नाटकाला तर तृतीय बक्षीस धारबांदोडा येथील महेश नाट्यमंडळाच्या ‘सं. कैवल्यदाता’ या नाटकाला प्राप्त झाले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.