डिचोली: कॅश फॉर जॉब प्रकरणी प्रिया यादवच्या अडचणी कमी होण्याचं नाव घेत नाहीयेत. डिचोली न्यायालयाने प्रियाला पुन्हा एकदा झटका दिला. न्यायालयाने प्रियाला तीन दिवसांची पोलीस कोठडी सुनावली. सात दिवसांच्या पोलीस कोठडीची मुदत संपल्यानंतर रिमांडसाठी प्रियाला न्यायालयात हजर करण्यात आले होते. सरकारी नोकरीचे आमिष दाखवून प्रियाने लाखोंचा गंडा घातला. पोलीस तपासातून प्रियाचे नव-नवे कारनामे देखील समोर येऊ लागले आहेत. फसवणूकीच्या माध्यमातून प्रियाने आतापर्यंत कोट्यवधींची माया जमवली आहे.
रेल्वेत नोकरी देण्याचे आमिष आणि अन्य कारणांवरून संशयित प्रियाने डिचोलीतील अनेकांना लाखो रुपयांची टोपी घालून ऑगस्ट महिन्यात पलायन केले होते. तिच्या विरोधात काहीजणांनी पोलिसांत तक्रार दाखल केली होती. प्रियाने काही महिलांसह 20 हून अधिकजणांना लाखो रुपयांना गंडा घातल्याचे सांगण्यात आले.
प्रियाने डिचोलीतील नागरिकांचा खास करुन महिलांचा विश्वास संपादन केला होता. काहींना तिने आपले नाव ‘प्रिया नाईक’, तर काहींना ‘प्रिया यादव’ नाव असल्याचे सांगितले होते. प्रिया सावज हेरुन नोकरी देण्याचे आमिष दाखवून त्यांना कोट्यवधी रुपयांना गंडा घालायची.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.