PM Modi Goa Visit: पंतप्रधान नरेंद्र मोदी पुढील महिन्यात सहा फेब्रुवारी रोजी गोवा दौऱ्यावर येणार आहेत. राज्यमंत्री खासदार श्रीपाद नाईक यांनी याबाबत माहिती दिली. पंतप्रधान मोदी बेतुल येथील प्रकल्पाचे उद्घाटन करतील तसेच, मडगाव येथील सभेला संबोधित करतील, असेही नाईक म्हणाले.

बेतुलमधील एनर्जी वीक कार्यक्रमाच्या निमित्ताने पंतप्रधान नरेंद्र मोदी 06 फेब्रुवारीला गोव्यात येतील. मडगावमध्ये त्यांची जाहीर सभा होईल अशी, माहिती केंद्रीय राज्यमंत्री श्रीपाद नाईक यांनी दिली.

लोकसभा निवडणुकीच्या पार्श्वभूमीवर मोदींचा गोवा दौरा महत्वाचा मानला जात आहे.

गोव्यात दोन्ही जागांवर भाजप बहुमताने विजयी होईल, असा विश्वास मुख्यमंत्री प्रमोद सावंत यांनी व्यक्त केला आहे. श्रीपाद नाईक यांनी देखील उत्तर गोव्यात भाजप मोठ्या मताधिक्याने विजयी होईल, असे नाईक म्हणाले.

दरम्यान, काँग्रेसने देखील गोव्यातील दोन्ही जागांवर विजयी होण्याचा दावा केला आहे. तसेच, गोवा लोकसभेच्या दोन्ही जागा काँग्रेसनेच मागितल्या असल्याची प्रदेशाध्यक्ष अमित पाटकर यांची माहिती.

'आप'ला उत्तर गोव्याची जागा दिल्याचा दावा खोटा. जागा वाटपाबाबत केंद्रीय स्तरावर चर्चा सुरु, दोन्ही जागा काँग्रेसलाच हव्या असल्याचे वरिष्ठाने कळवल्याचे पाटकरांनी स्पष्टीकरण दिले आहे.