Goa Vegetable News: राज्यात गेल्या काही महिन्यांपासून भाजीपाल्याचे जे भाव वधारले आहेत ते उरतण्याची काही लक्षणे दिसत नाहीत. दिवसेंदिवस भाजीपाल्‍याच्या दरात मोठ्या प्रमाणात वाढच होत आहे. कांदा, बटाटा, टोमॅटो यांचे दर चढेच आहेत.

त्यासोबतच फळभाज्यांचे दरदेखील मोठ्या प्रमाणात वाढले आहेत. काही महिन्यांपूर्वी 20 रुपये प्रतिकिलो दराने विकले जाणारे टोमॅटो सध्या जवळपास 50 रुपये प्रतिकिलो दराने विकले जात आहेत. कोथिंबीर, हिरवी मिरची, वालपापडी आदी भाज्यांचे दरदेखील कमी होण्याचे नाव घेत नाहीत.

राज्यातील ग्रामीण भागात मोठ्या प्रमाणात कणगी, करांदे, नांगरचिणी आदींचे पीक घेण्यात येते. दिवाळीपासून कणग्या बाजारात उपलब्ध झाल्या आहेत. गेल्या आठवड्यापासून अळू माडीदेखील बाजरात दाखल झाली असून विक्रीला ग्राहकांचा उत्तम प्रतिसाद मिळत असल्याचे विक्रेते सांगतात.

आकाराप्रमाणे 100 ते 120 रुपये प्रतिकिलो दराने कणग्या विकल्या जात आहेत तर मध्यम आकाराची अळू माडी 120 रुपये प्रतिनग दराने विकली जात आहे. करांदे, माडी आदींनादेखील चांगली मागणी आहे.

दर प्रतिकिलो (रु)

कांदा : 40

बटाटा : 40

टोमॅटो : 50

गवार : 60

कोबी : 40

फ्लावर : 40

गाजर : 60-80

भेंडी : 70-80

पालेभाजी (प्रतिजुडी)

मेथी : 20

लालभाजी : 20

कांदापात : 20

मुळा : 20

पालक : 20

शेपू :10

पुदिना : 10

कोथिंबीर : 20-30 रु. जुडी