फडणवीस माझ्याबद्दल जे काही बोलले ते चुकीचे आहे. काही दिवसांपूर्वी फडणवीस माझ्या घरी आले होते, पण त्या दिवशी आम्ही राजकारणावर चर्चा केली नाही. पर्ये ही माझी संपत्ती नाही आणि मी निवडणूक लढवणार की नाही ही वेगळी गोष्ट. पण माझ्याबाबत मीडियात आलेली विधाने चुकीची आहेत. अस मत जेष्ठ कॉंग्रेस नेते प्रतापसिंग राणे यांनी मांडले आहे. भाजपा नेते देवेंद्र फडणवीस यांच्या या विधानामुळे राजकीय वर्तुळात उलट-सुलट चर्चेला उधाण आले होते.

दरम्यान, फडणवीस म्हणाले होते की, गेल्या 50 वर्षांपासून काँग्रेसचे (Congress) पर्ये आमदार असलेले प्रतापसिंह राणे (Pratap Singh Rane) यांना भाजपने (BJP) एकतर भाजपच्या तिकिटावर निवडणूक लढवावी किंवा पोरीम जागेसाठी भाजपला मदत करावी, अशी विनंती केली होती. फडणवीस यांनी दावा केला की राणेंनी त्यांची विनंती मान्य केली आणि त्यांना सांगितले की ते त्यांच्या वयामुळे निवडणूक लढवणार नाहीत आणि दिव्या राणे तिथून निवडणूक (Election) लढवतील. आणि आम्ही भाजपला मदत करू.