सांगेतून भाजपविरोधात सावित्री कवळेकर बंडखोरीच्या तयारीत?

सांगे : सावित्री कवळेकर यांनी सांगेतून विधानसभा निवडणूक (Assembly Election) लढवणारच, असा दृढनिश्चय जाहीर सभेत उपस्‍थित जनसमुदायासमोर अनेकदा केला आहे. तसेच मला कोणीही रोखण्याचा प्रयत्न केला तरी असंख्य कार्यकर्त्यांच्या बळावर माझा विजय निश्‍चित आहे. तमाम महिला आपला प्रतिनिधी म्हणून मला एक संधी देतील, असा विश्‍वास देखील त्‍यांनी व्‍यक्त केला आहे. (Goa Politics Update: Savitri Kavlekar Against BJP in Goa)

दरम्यान, भाजपा (BJP) नेते सुभाष फळदेसाई यांना सांगेमध्ये आज उमेदवारी जाहीर झाल्यामुळे सावित्री कवळेकर (Savitri Kavalekar) भाजपविरोधात बंड करण्याची शक्यता वर्तवली जात आहे. दरम्यान, भाजपकडून तिकीटाच्या अपेक्षेने संगेममध्ये प्रचाराला सुरुवात केलेल्या सावित्री यांनी काहीही झाले तरी निवडणूक (Election) लढवणार असल्याचे स्पष्ट केले आहे. त्यामुळे त्यांच्या निर्णयाकडे सर्वांचे लक्ष लागले आहे.