Frontispiece Church Controversy

पणजी: पोर्तुगीजकालीन उद्ध्वस्त मंदिराचे एक प्रतिकात्मक मंदिर उभारण्याची घोषणा मुख्यमंत्री डॉ. प्रमोद सावंत यांनी जी केली आहे ते सरकारचे पळ काढण्याचे धोरण असून हा निर्णय आम्हाला मान्य नसल्याचे हिंदू रक्षा महाआघाडीचे प्रा. सुभाष वेलिंगकर यांनी सांगितले.

ते पुरातत्व संचालनालयाला सांकवाळ वारसास्थळावरील अतिक्रमण रोखण्यासाठी देण्यात आलेल्या निवेदनावेळी बोलत होते. यावेळी नितीन फळदेसाई, सुभा सावंत, चंद्रकांत पंडित उपस्थित होते. मंदिरे उभारण्यासाठी योग्य ते पुरावे नसल्याचे जे सरकार सांगत आहे ते चुकीचे असून यासंबंधीचे धडधडीत पुरावे अाहेत.

जर सरकार अयोध्येनंतर काशी, मथुराचे मागणी करत आहे त्याऐवजी दिल्लीत प्रतिकात्मक मंदिर बांधल्यास काय होईल? असा खोचक वेलिंगकर यांनी प्रश्‍न उपस्थित केला.

सांकवाळ येथील जागा आम्ही चर्चच्या घशात जावू देणार नाही त्यासाठी आम्ही राज्यभर जनजागृती करणार आहोत, असे वेलिंगकर यांनी सांगितले.

जागा चर्चच्या घशात जाऊ देणार नाही!

सांकवाळ येथील जागी विजयदुर्गेचे मंदिर होते; परंतु आता ती जागा चर्च बळकावत आहे. मागील ११ वर्षांपासून मतांसाठी सरकारचा छुपा पाठिंबा चर्चला मिळाला आहे. परंतु आता पुरातत्व खात्याद्वारे योग्य ते पुरावे गोळा केले जात असल्याचे समाधान आहे, ही जागा आम्ही कदापि चर्चच्या घशात जाऊ देणार नाही,असे वेलिंगकर यांनी सांगितले.