गोवा: राज्याचे मुख्यमंत्री प्रमोद सावंत आज भाजपचे राष्ट्रीय अध्यक्ष जे.पी नड्डा यांची भेट घेण्यासाठी दिल्लीला रवाना होणार आहेत. या दरम्यान ते गोव्यातील राजकीय स्थितीवर चर्चा करतील. (Pramod Sawant and BJP leaders hold special meeting in Delhi today)

गोवा राज्याच्या आठव्या विधानसभेच्या पहिल्या अधिवेशनाला आज 39 नवनिर्वाचित आमदारांच्या शपथविधीसह सुरुवात झाली. कुठ्ठाळीचे आमदार आंतोन वाझ थेट स्कुटरवरुन विधानसभेत आले, तर काही वेळापुर्वी रिव्होल्युशनरी गोवन्स पक्षाचे आमदार विरेश बोरकर हे मनोज परब यांच्यासोबत बुलेटवरुन विधानसभेत दाखल झाले. (Goa Election Result 2022 News)

गोव्‍यात पक्षांतर्गत वाद वाढत असल्याची माहिती

दरम्यान, गोव्‍यात (Goa) पक्षांतर्गत वाद वाढत असल्याची माहिती सूत्रांनी दिली आहे. यात नेता निवडीबाबतही मतभेद असल्याची चर्चा आहे. या सर्व पार्श्वभूमीवर विधानसभा अस्तित्वात येणे गरजेचे असल्याने राज्यपालांनी अधिकाराचा योग्य वापर करत हे अधिवेशन बोलाविले आहे.

राज्यपालांनी गावकर यांना पद आणि गोपनीयतेची दिली शपथ .

सोमवारी सकाळी राज्यपालांनी गावकर यांना पद आणि गोपनीयतेची शपथ दिली. यावेळी मुख्यमंत्री प्रमोद सावंत (Pramod Sawant), भाजपा प्रदेशाध्यक्ष सदानंद शेट तानावडे, मुख्य सचिव पुनीत कुमार गोयल, विधानसभा सचिव नम्रता उलमन उपस्थित होते.आज सकाळी 11.30 वाजता या विशेष अधिवेशनाला सुरवात झाली. यात प्रामुख्याने राज्यात नव्याने निवडून आलेल्या सर्व आमदारांच्या आमदारकीचा शपथ ग्रहण सोहळा झाला.