Portuguese citizenship hidden voter registration Dainik Gomantak
गोवा

Portuguese Citizen: पोर्तुगीज नागरिकत्व लपवले, वास्कोच्या मतदारयादीत नोंदवले नाव; परदेशी महिलेवर गुन्हा दाखल

Portuguese citizenship hidden voter registration: पोर्तुगालचे नागरिकत्व घेतल्याची माहिती लपवून भारतात मतदार म्हणून नाव नोंदवल्याप्रकरणी वास्को पोलिसांनी एका महिलेविरुद्ध गुन्हा नोंद केला आहे.

गोमन्तक डिजिटल टीम

वास्को: पोर्तुगालचे नागरिकत्व घेतल्याची माहिती लपवून भारतात मतदार म्हणून नाव नोंदवल्याप्रकरणी वास्को पोलिसांनी एका महिलेविरुद्ध गुन्हा नोंद केला आहे. विशेष मतदार यादी पुनरावलोकन मोहिमेदरम्यान ही बाब उघडकीस आल्याने निवडणूक प्रशासनात खळबळ उडाली आहे.

मुरगावचे कार्यकारी दंडाधिकारी, जे वास्को विधानसभा मतदारसंघाचे सहाय्यक निवडणूक नोंदणी अधिकारी म्हणूनही काम पाहतात, यांनी दिलेल्या तक्रारीवरून पोलिसांनी ही कारवाई केली. तक्रारीनुसार संबंधित महिलेने स्वतःला पात्र मतदार असल्याचे सांगत मतदार नोंदणीसाठी गणना अर्ज सादर केला होता.

तपासादरम्यान मात्र ती महिला पोर्तुगालचे नागरिकत्व घेतलेली असल्याचे उघड झाले. तिच्याकडे पोर्तुगालचा वैध पासपोर्ट असल्याचीही माहिती समोर आली. परदेशी नागरिकत्व स्वीकारल्यानंतर भारतीय नागरिकत्व आपोआप रद्द होते. त्यामुळे अशा व्यक्तीला भारतातील मतदार यादीत नाव नोंदविण्याचा अधिकार राहत नाही.

ही बाब लक्षात आल्यानंतर निवडणूक अधिकाऱ्यांनी पोलिसांत तक्रार दाखल केली. त्यानुसार पोलिसांनी संबंधित महिलेविरुद्ध फसवणूक व चुकीची माहिती देऊन मतदार म्हणून नोंदणी केल्याप्रकरणी गुन्हा दाखल केला आहे.

दरम्यान, या प्रकरणाचा अधिक तपास सुरू असून अशा प्रकारे परदेशी नागरिकत्व घेतलेल्या इतर व्यक्तींनीही मतदार यादीत नाव नोंदविले आहे का, याचीही छाननी करण्यात येत असल्याची माहिती पोलिसांनी दिली.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

IND vs NZ 1st Test: अवघ्या दोन धावांनी हुकलं शतक, शुभमन गिलच्या नावावर नकोसा रेकॉर्ड! धोनी-विराटच्या यादीत समावेश

Couple Assault Viral Video: फोटो काढणाऱ्या जोडप्याला अश्लील शेरेबाजी, बेदम मारहाण, 8 अल्पवयीन मुले ताब्यात; मुंबईतील खळबळजनक व्हिडिओ व्हायरल

Agniveer Recruitment Data Leak: मोठी खळबळ! अग्निवीरांचा डेटा डार्क वेबवर विकायचा डाव? 14 वर्षांच्या मुलाला दिल्ली पोलिसांनी घेतलं ताब्यात

Railways New Rules: प्रवाशांनो सावधान! ट्रेनमध्ये मोठ्या आवाजात बोलणे पडू शकते महागात; न ऐकल्यास भोगावा लागू शकतो तुरुंगवास अन् दंड

Check Dam Construction: 3 तालुक्यांत 116 बंधाऱ्यांत पाणी अडवले; परिसरातील भूजल पातळीत वाढ झाल्याचा दावा

SCROLL FOR NEXT