वास्को : वास्कोत एका इमारतीचा काही भाग शनिवारी खाली कोसळला. इमारतीखाली उभ्या असलेल्या कारचं या अपघातात मोठं नुकसान झालं. मात्र सुदैवाने या कारमधील महिला दुर्घटनेतून सुखरुप बचावली आहे.
पावसामुळे गोव्यात अनेक ठिकाणी पडझड सुरु आहे. काही ठिकाणी घरांवर झाडं पडून नुकसान झालं आहे, तर काही ठिकाणी दरड खाली आल्यामुळे लोकांपुढे संकट उभं ठाकलं आहे. यातच आज शनिवारी दुपारी वास्कोत इमारतीचा कमकुवत झालेला काही भाग खाली कोसळला. हा भाग इमारतीखाली पार्क केलेल्या कारवर कोसळून कारचं मोठं नुकसान झालं. मात्र सुदैवाने या कारमधील महिला बचावली आहे.
दरम्यान या इमारतीच्या मालकाच्या प्रतिनिधींनी इमारत परिसराची पाहणी केली. यात इमारत धोकादायक स्थितीत असल्याचा अहवाल मुरगाव पालिकेने दिला आहे. तसंच येथे राहणाऱ्यांना इमारत खाली करण्याची नोटीसही बजावली आहे. मात्र अद्याप कोणतीही कारवाई पालिकेकडून करण्यात आलेली नाही. इमारत धोकादायक असल्याने तातडीने कारवाई करण्याची मागणी स्थानिकांमधून होत आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.