मडगाव: सरकारी नोकरी देण्‍याच्‍या बहाण्‍याने अनेकांना गंडा घालण्‍याचा आरोप असलेली ठकसेन पूजा नाईक हिने येथील काही वकिलांनाही गंडा घातला असल्‍याचे उघड झाले आहे. मडगावातील एका महिला वकिलाने स्‍वत:ला मामलेदाराची नोकरी मिळावी म्‍हणून पूजा नाईक हिला 16 लाख रुपये दिले होते, असे सांगितले.
मडगावातील ज्‍येष्‍ठ वकील राधाराव ग्रासियस यांनी गोमन्‍तक टीव्‍हीच्‍या ‘साश्‍‍टीकार’ या लोकप्रिय कार्यक्रमात बोलताना वरील माहिती दिली. ते म्‍हणाले की, फक्‍त ही एकच वकील महिला गंडवली गेलेली नाही तर अनेक वकिलांना असा फटका बसला आहे. फक्‍त आपले नाव खराब होऊ नये यासाठी या प्रकरणी अजून कोणी पोलिस तक्रार केलेली नाही. ‘गोमन्‍तक’चे ब्यूरो चीफ सुशांत कुंकळयेकर यांनी ही मुलाखत घेतली असून ती गोमन्‍तक टीव्‍हीच्‍या फेसबुक, यू-ट्यूब आणि इन्‍स्‍टाग्रामवर उपलब्‍ध आहे.
पूजा नाईक प्रकरणात दररोज नवीन खुलासे होत आहेत. यासंबधित अनेकांची नावे समोर येत आहेत. पोलिसांनी आत्तापर्यंत नऊ जणांना ताब्यात घेतले असून, अजून काही नावे समोर येण्याची शक्यता आहे. सरकारी अधिकाऱ्यांचा समावेश देखील या प्रकरणात समावेश उघड झाल्याने काही मंत्र्यांची देखील नावे समोर येण्याची शक्यता वर्तवली जात असून, काही मंत्र्यांचे धाबे दणाणले आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.