कुर्टी - फोंडा येथे एका कर्नाटकच्या ट्रकचालकाला व त्याच्या पुतण्याला मारहाण केल्याप्रकरणी कुर्टी येथील सुमित सुरेश नाईक व अन्य एकावर फोंडा पोलिसांनी गुन्हा नोंदवला आहे. हा प्रकार गेल्या ३० रोजी रात्री साडेदहाच्या सुमारास घडला.

संशयित सुमित नाईक व अन्य एकाने गुलबर्गा - कर्नाटक (Karnataka) येथील ट्रकचालक बसलिंगप्पा नागवी (वय ३६) व त्याचा पुतण्या श्रीशैल नागवी याला जबर मारहाण केली. या मारहाणीवेळी श्रीशैल नागवी हा तेथून पळाला, तो अजून सापडलेला नाही. फोंडा पोलिसांनी या प्रकरणी सुमित नाईक याच्याविरुद्ध गुन्हा नोंदवला असून पुढील चौकशी सुरू आहे.