रवी नाईक (Ravi Naik) यांचे भाषण (Speech) म्हणजे मिश्‍किलीच. रवी कधी कुणावर टपली मारतील सांगता यायचे नाही. तळावलीतील एका कार्यक्रमातही रवींनी मिश्‍किलीत भाषण केले आणि सभागृहात हास्याचे फवारे उडाले. रवींनी सांस्कृतिक, कला, सामाजिक आणि राजकीय अशा सर्व स्तरांवर जवळपास पाऊणतास भाषण झोडले. पण वैताग कुणालाच आला नाही; कारण भाषणच मुळात मिश्‍किलीत होते. रवी स्वतःच सांगतात, माणसाने हसले पाहिजे, रडके तोंड घेऊन कशाला जगायचे. हसा आणि आयुष्य वाढवा असे सांगताना ‘टेन्शन देनेका, लेनेका नाही...’ असे सांगायलाही रवी विसरले नाहीत. (Ponda MLA Ravi Naik's speech is Mischievous)

दरम्यान गोव्यात मागील महिन्यात झालेल्या विधानसभा अधिवेशनात सरकारी नोंदीनुसार 1 लाख 32 हजार बेरोजगार आहेत. त्यांना रोजगार‌‌ कसा मिळेल असा सवाल नाईक यांनी केली होता. गोव्यातील युवकांना रोजगार देणार कसा अशी विचारणाही फोंड्याचे आमदार रवी नाईक यांनी विधानसभेत केली होती.

विविध खात्यांच्या अर्थसंकल्पीय मागण्यांवरील चर्चेत सहभागी होताना, "नागरी पुरवठा खात्यातील अधिकाऱ्यांना मामलेदारपदी बढती दिल्यास त्यांना कामकाज समजणार नाहीत.‌कुळ मुंडकार खटले कालबद्ध पद्धतीने निकाली काढण्यासाठी सरकारने पुढाकार घेतला पाहिजे. पेडण्यात कुळांची नावे गाळली गेली त्याची चौकशी करावी. 2016 पर्यंत 24 तास पाणी पुरवठा होणार होता त्याचे काय झाले," असे प्रश्न विचारून सरकारला निरूत्तर केले होते.