फोंडा: फोंडा पोलिस स्थानकाच्या हद्दीत दोघा जणांना वाहनाने ठोकरण्याचा प्रकार घडला असून एका वाहनासह चालकाला फोंडा पोलिसांनी ताब्यात घेतले असून दुसऱ्या अपघातातील वाहनचालक पादचाऱ्याला घडक देऊन पसार झाला.

दोन्ही पादचारी रस्त्याच्या कडेने चालत होते. काल (शुक्रवारी) संध्याकाळी आणि आज शनिवारी सकाळी असे है अपघात घडले आहेत. शुक्रवारी संध्याकाळी बाडी तळावली येथे रस्त्याच्या कडेने चालत जाणाऱ्या अक्षता गावकर (वय ३० वर्षे) यांना जोए-०७-एन-४८८२ या क्रमांकाच्या कारची जोरदार ठोकर बसल्याने त्या उसळून रस्त्याच्या कडेला आपटल्या.

त्यात त्या गंभीर जखमी झाल्या, अपघात होऊनही पंचवीस वर्षीय कारचालक घटनास्थळाहून फ्लार झाला. मात्र, नंतर त्याला लोकांनी पकडून पोलिसांच्या हवाली केले. जखमी अक्षता यांना उपचारासाठी इस्पितळात दाखल करण्यात आले आहे.

फोंडा पोलिस याप्रकरणी अधिक तपास करीत आहेत. आज शनिवारी सकाळी कुटों येथे झालेल्या अन्य एका अपघातात एका अज्ञात वाहनाने ठोकरल्याने रायत कुटी येथील मंगलदास सतरकर (वय ४६ वर्षे) हे गंभीर जखमी झाला.

मंगलदास सतरकर हे रस्त्याच्या कडेने चालत जात असताना मागून आलेल्या वाहनाची जोरदार ठोकर बसल्याने मंगलदास रस्त्यावर फेकले गेले आणि जखमी झाला. त्यांना उपचारासाठी इस्पितळात दाखल करण्यात आले आहे. या अपघाताचीही फोंडा पोलिस चौकशी करीत असून पळून गेलेल्या वाहनचालकाचा शोध घेण्यात येत आहे.