फोंडा, लायन्स क्लब ऑफ फोंडा, पीईएस राजाराम ताराबाई फार्मसी महाविद्यालय व वनखात्याच्या संयुक्त विद्यमाने फर्मागुढी फोंडा येथील फार्मसी महाविद्यालय परिसरात वन महोत्सव साजरा करण्यात आला.

यावेळी लायन्स फोंडा क्लबचे सदस्य वन खात्याचे अधिकारी व पीईएस फार्मासिटिकल महाविद्यालयाचे कर्मचारी उपस्थित होते.

क्लबचे अध्यक्ष मनिष धारेश्वर, वनखात्याचे उपवनपाल विशाल सुर्वे व शिक्षण संस्थेचे सचिव रितेश नाईक, कृषिमंत्री रवी नाईक व अन्य मान्यवर उपस्थित होते. उपस्थित मान्यवरांच्या हस्ते वृक्षरोपण करून वन महोत्सव साजरा करण्यात आला. यावेळी महाविद्यालय परिसरात सुमारे ५० फळ व औषधी झाडांची लागवड करण्यात आली.

मंत्री रवी नाईक यांनी आज प्रत्येकाने पंतप्रधान नरेंद्र मोदींच्या ‘एक पेड मा के नाम’ या शीर्षकाखाली वन महोत्सव साजरा करून आपण लावलेले रोपटे व त्याची काळजी घेऊन त्याची चांगली निगा घेणे गरजेचे असल्याचे मत व्यक्त केले.

उपवनपाल विशाल सुर्वे यांनी सांगितले,की आतापर्यंत सुमारे दोन लाख रोपांची लागवड झाली आहे. यावेळी फार्मसी कॉलेजमध्ये घेतलेल्या निसर्ग या विषयावरील चित्रकला स्पर्धेची बक्षिसे विजेत्यांना प्रदान केली. कार्यक्रम यशस्वी करण्यासाठी रितेश नाईक,डॉ. वेदपाल तारी, व खजिनदार अंशुल सिंगल यांनी हातभार लावला.