फोंडा पालिकेचे नगराध्यक्ष म्हणून नगरसेवक तथा कृषीमंत्री रवी नाईक यांचे खंदे समर्थक आनंद नाईक यांनी आज (शुक्रवारी) ताबा घेतला.

आज गुरुवारी नगराध्यक्ष निवडणूक प्रक्रिया पूर्ण झाल्यानंतर निवडणूक अधिकारी तथा फोंड्याचे उपजिल्हाधिकारी शुभम नाईक यांनी आनंद नाईक यांचा नगराध्यक्ष पदासाठी एकमेव उमेदवारी आल्याने आनंद नाईक यांना बिनविरोध नगराध्यक्ष म्हणून जाहीर केले.

नूतन नगराध्यक्ष आनंद नाईक यांना शुभेच्छा देण्यासाठी यावेळी त्यांच्या चाहत्यांनी मोठी गर्दी केली होती.