Tiracol Police Constable dies on duty due to Heart Attack: गोव्यात पेडणे तालुक्यातील तेरेखोल किनारी पोलिस स्टेशनमधील कॉन्स्टेबल रणजीत गवंडी यांचा आज हृदयविकाराच्या झटक्याने मृत्यू झाला. कर्तव्य बजावत असतानाच गवंडी यांचा मृत्यू झाला.

त्यांच्या आकस्मिक मृत्यूने परिसरात हळहळ व्यक्त होत आहे. गवंडी यांच्यामागे आई, पत्नी, दोन लहान मुले, दोन भाऊ तसेच विवाहित बहीण असा परिवार आहे.

रणजीत गवंडी हे मूळचे तारसे येथील आहेत. सकाळी तेरेखोल किनारी पोलीस स्थानकात ते नेहमीप्रमाणे कामावर आले. साडेदहाच्या सुमारास सुमारास त्यांना हृदय विकाराचा तीव्र झटका आला. इतर सहकाऱ्यांनी त्यांना तत्काळ 108 रुग्णवाहिकेद्वारे उपचारांसाठी तुये इस्पितळात दाखल केले.

पण, डॉक्टरांनी त्यांना मृत घोषित केले. त्यांचा मृतदेह शवविच्छेदनासाठी बांबोळी येथील गोवा वैद्यकीय महाविद्यालयाच्या इस्पितळात (गोमेकॉ) आणण्यात आला.