फातोर्डा : अल्पवयीन शालेय मुलीच्या अपहरण प्रकरणी कुंकळ्ळी पोलिसांनी तपासाची सूत्रे गतिमान केली आहेत. तर अपहरणकर्त्याचा शोध घेण्यासाठी मोबाईल लोकेशन व डिटेल्स हस्तगत करण्याच्या दिशेने पोलिसांनी पावले टाकली आहेत. तसेच या प्रकरणी पोलिस एकाच्या मागावर असून त्यानेच या मुलीचे अपहरण केल्याच्या संशय व्यक्त करण्यात येत आहे. (Police are searching for the abductee's mobile location)

दिनांक २४ फेब्रुवारी रोजी एका १५ वर्षीय अल्पवयीन मुलीचे (girl) अपहरण (kidnapping) करण्यात आले असल्याची तक्रार त्यांच्या पालकांकडून कुंकळ्ळी पोलीस (police) स्थानकात दाखल करण्यात आली होती. कुंकळ्ळी येथील सावरकट्टा येथे राहणाऱ्या संशयित संदीप पाटील या युवकाने शालेय (school) मुलीचे अपहरण केले असल्याची शक्यता गृहीत धरून पोलिसांनी त्याचे मोबाईल लोकेशन आणि कॉल्स डिटेल्सच्या तपासणीला सुरुवात केली आहे. या युवकाचे लोकेशन ट्रेस केल्यानंतर या विषयी सविस्तर माहिती समोर येणार असल्याचे स्थानकाचे पोलीस निरीक्षक सचिन पन्हाळकर याने माहिती देताना सांगितले.

पोलिसांनी या प्रकरणी ३६३ व गोवा बालकायदा (Goa Children’s Act) कलम ८ अंतर्गत गुन्हा दाखल केला आहे. या विषयी उपनिरीक्षक कविता रावत पुढील तपास करत आहेत.