पणजी: पंतप्रधान नरेंद्र मोदी दरवर्षी भारतीय सीमेवर तैनात असलेल्या जवांनांसोबत दिवाळी साजरी करतात. २०१४ पासून पंतप्रधानपदी विराजमान झाल्यापासून मोदींनी ही परंपरा कायम ठेवली आहे. यावर्षी (२०२५) मोदी गोव्याच्या किनाऱ्यावर तैनात असलेल्या भारतीय नौदलाच्या सैनिकांसोबत दिवाळी साजरी करणार असल्याची माहिती सूत्रांकडून मिळाली आहे. मोदी जवानांसोबत ऑपरेशन सिंदूरच्या यशाचा उत्सव साजरा करतील.

पहलगाम येथे झालेल्या दहशतवादी हल्ल्यात २६ नागरिकांचा मृत्यू झाला होता. या प्रत्युत्तर म्हणून भारताने पाकिस्तानमध्ये ऑपरेशन सिंदूर राबवले होते. यात भारताने १०० हून अधिक दहशतवाद्यांचा खात्मा करताना अनेक दहशतवादी तळ उद्धवस्त केले होते. या दिवाळीला पंतप्रधान मोदी गोव्यात तैनात असलेल्या भारतीय नौदलाच्या सैनिकांसोबत दिवाळी साजरी करणार आहेत. ऑपरेशन सिंदूरच्या यशाचा जल्लोष मोदी सैनिकांसोबत करतील, अशी माहिती समोर आली आहे.

परंपरा कायम

नरेंद्र मोदी २०१४ झाली पंतप्रधान झाल्यानंतर त्यांनी नेहमीच जवानांसोबत दिवाळी साजरी केली आहे. २०१४ साली त्यांनी लडाख येथील सियाचिनला भेट दिली होती. यानंतर २०१५ साली त्यांनी पंजाबमधील डोगराई येथे भेट देऊन १९६५ च्या युद्धातील हिरोंना मानवंदना दिली होती.

२०१६ – हिमाचल प्रदेशातील सुमडो येथे बीएसएफच्या जवानांना भेट

२०१७ – जम्मू काश्मीरमधील गुरेज भागाला भेट

२०१८ – हरसील – उत्तराखंड येथील इंडो तिबेटीयन सीमेला भेट

२०१९ – राजौरी येथील जवानांना भेट

२०२० – कोरोना काळात मोदी जैसलमेर राजस्थान येथील लोंगोवाला येथे हजर होते.

२०२१ – जम्मू काश्मीर मधील नवशेरा येथे जवानांसोबत दिवाळी साजरी केली.

२०२२ – कागरिल युद्धातील शहिदांना श्रद्धांजली दिली.

२०२३ – यावर्षी त्यांनी हिमाचल प्रदेशातील लीपचा येथे आणि २०२४ मध्ये त्यांनी गुजरातमधील सर क्रीक येथे जवानांसोबत दिवाळी साजरी केली.