पणजी: मॉन्सूनने माघार घेतली असली तरी पुढील काही दिवस राज्यात पावसाचा जोर दिसण्याची शक्यता आहे. दिवाळीच्या पहिल्या आंघोळीपर्यंत राज्यात पावसाचा अंदाज हवामान खात्याने वर्तवला आहे. हवामान खात्याच्या गोवा वेधशाळेने राज्यात पाच दिवस यलो अलर्ट जारी केला आहे.
हवामान खात्याने दिलेल्या माहितीनुसार, राज्यात १६ ते २० असे पाच दिवस मध्यम ते मुसळधार पावसाची शक्यता वर्तविण्यात आली आहे. हे दिवसांसाठी हवामान खात्याने यलो अलर्ट जारी केला आहे. या काळात वादळी वाऱ्यासह वीजांचा कडकडाट होण्याची शक्यता आहे. उत्तर आणि दक्षिण गोव्यात ३० ते ४० प्रतितास वेगाने वारे वाहण्याचा अंदाज आहे.
गेल्या चोवीस तासांत राज्यात बहुतांश भागात हवामान कोरडे पाहायला मिळाले. चोवीस तासांत पेडण्यात सर्वाधिक ५१.८ मी.मी, सांगे ९.४, धारबांदोडा ५.२ आणि काणकोण ६.२ मी. मी पावसाची नोंद झाली.
दरम्यान, देशातील काही भागांबरोबरच गोव्यातून मॉन्सूने माघार घेतल्याचे हवामान विभागाने सोमवारी (१३ ऑक्टोबर) जाहीर केले आहे. यावर्षी नेहमीपेक्षा लवकर आगमण झालेल्या पावसाने निरोप देखील लवकर घेतला. यावर्षी गोव्यात २५ मे रोजी पावसाचे आगमण झाले होते. नेहमीपेक्षा ११ दिवस अगोदर पावसाने हजेरी लवाली होती.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.