Goa Liberation Day: गोवा मुक्ती दिनानिमित्त देशाचे पंतप्रधान नरेंद्र मोदी आणि गृहमंत्री अमित शहा यांनी गोव्यातील जनतेला शुभेच्छा दिल्या आहेत. गोवा मुक्त करण्यासाठी झगडलेल्या क्रांतिकारांना स्मरुन त्यांनी ज्ञात अज्ञात शूरांना वंदन केले.

"गोवा मुक्ती दिनाच्या हार्दिक शुभेच्छा. गोवा मुक्त करण्याच्या चळवळीला बळ देणाऱ्या सर्व दिग्गजांचे शौर्य आम्हाला आठवते. त्यांचा दृढनिश्चय आम्हाला गोव्याच्या विकासासाठी आणि समृद्धीसाठी नेहमीच काम करण्याची प्रेरणा देतो." अशा शब्दात पंतप्रधान नरेंद्र मोदी यांनी शुभेच्छा दिल्या आहेत.

"गोवा मुक्ती दिनानिमित्त मी गोव्यातील भगिनी आणि बांधवांना शुभेच्छा देतो.

मुक्ती दिवस गोव्यातील नागरिकांनी त्यांच्या मुक्तीसाठी दाखवलेल्या अनुकरणीय धैर्याची एक शक्तिशाली आठवण आहे. गोव्याच्या स्वातंत्र्यासाठी योगदान देणाऱ्या महान आत्म्यांना मी नमन करतो."

"गोव्याला वसाहतवादी राजवटीतून मुक्त करण्यासाठी आपल्या प्राणांची आहुती देणाऱ्या हुतात्म्यांना देश श्रद्धांजली अर्पण करत आहे. या सुंदर राज्याच्या रहिवाशांना उज्ज्वल भविष्यासाठी शुभेच्छा देते.

स्वातंत्र्यसैनिक आणि आमच्या सशस्त्र दलाच्या धैर्य आणि बलिदानासाठी आम्ही त्यांना सलाम करतो. मी या सुंदर राज्यातील रहिवाशांना उज्ज्वल भविष्यासाठी शुभेच्छा देत आहे," अशा शब्दात राष्ट्रपती द्रौपदी मूर्मू यांनी शुभेच्छा दिल्या.