Pernem : विविध व्यवसायांमध्ये भविष्य घडविण्यासाठी महाविद्यालयांना मदत करण्यासाठी गोव्यात उभारण्यात येणारी दुसरी युवा कौशल्य मूल्यमापन प्रयोगशाळा शिक्षकांच्या सहकार्याने योग्य ध्येयापर्यंत पोहोचण्यास मदत करेल. कुठल्याही क्षेत्रात सहकार्य हे महत्त्वपूर्ण आहे, असे प्रतिपादन शिक्षण सचिव प्रसाद लोलयेकर यांनी येथे केले.

शासकीय महाविद्यालयात आयोजित युवा कौशल्य मूल्यमापन प्रयोगशाळेचे उद्‌घाटन केल्यानंतर ते प्रामुख पाहुणे या नात्याने बोलत होते. याप्रसंगी व्यासपीठावर पुत्झमेस्टर काँक्रिट मशीन्स प्रा.लि. वेर्णाचे प्रा. (डॉ.) कंजनाभा भट्टाचार्य, जीडीपी फाउंडेशनचे व्यवस्थापकीय विश्वस्त किशोर शाह व संत सोहिरोबानाथ आंबिये शासकीय महाविद्यालय पेडणेचे प्राचार्य (डॉ.) फिलिप रॉड्रिग्ज ई मेलो हे उपस्थित होते.

पुत्झमेस्टर कांजनभा भट्टाचार्य म्हणाले की,प्रत्येक इच्छुकाने तंत्रज्ञानाची जाण, गोष्टी पूर्ण करण्याची क्षमता आणि संवाद या तीन गोष्टी अंगीकारल्या पाहिजेत. मूल्यमापन प्रयोगशाळा विद्यार्थ्यांना त्यांची स्वप्ने पूर्ण करण्यात मदत करेल.

मूल्यमापन प्रयोगशाळेसाठी शिक्षकांना प्रशिक्षण देण्यात येईल. त्याद्वारे संत सोहिरोबानाथ आंबिये शासकीय कला आणि वाणिज्य महाविद्यालयातील विद्यार्थ्यांचे भविष्य घडविण्यास मदत होईल.

किशोर शाह, जीडीपी फाउंडेशनचे व्यवस्थापकीय विश्‍वस्त