पेडणे: पेडणे पालिका क्षेत्रातील कोटकर वाडा या ठिकाणी मुख्य रस्ता पेडणे मार्गे कोरगाव हरमल येथे जाणाऱ्या मुख्य रस्त्यावर एक जुना साकव पूल आहे. त्या पुलाखालील माती, दगड हळूहळू कोसळत असून हा पूल केव्हाही कोसळण्याची शक्यता आहे. त्यामुळे सार्वजनिक बांधकाम खात्याच्या वरिष्ठ अधिकाऱ्यांनी याकडे लक्ष देऊन हा पूल लवकरात लवकर दुरुस्त करावा किंवा त्या ठिकाणी नवीन पूल उभारण्यासाठी प्रक्रिया सुरू करावी अशी मागणी स्थानिक नागरिकांनी केली आहे.