Goa Police: गोवा पोलिसांनी 2022-23 या वर्षात ‘हत्येचा प्रयत्न’ प्रकरणे शोधून त्यांची उकल करण्यात उत्कृष्ट कामगिरी केली आहे. दोन्ही वर्षांतील चोरीची प्रकरणे गुन्ह्यांच्या यादीत अव्वल आहेत. तसेच दोन्ही वर्षांतील दरोड्याची प्रकरणे सोडवली आहेत.

अलीकडच्या काळात गोवा पोलिसांनी गुन्ह्यांचा शोध आणि प्रकरणे सोडविण्याचे काम बऱ्यापैकी सुधारले आहे. गुन्ह्यांच्या शोधात चोरीच्या प्रकरणांमध्ये सर्वाधिक ५४९ प्रकरणे नोंदवली गेली आणि ३६० प्रकरणे सोडवली गेली. २०२३ मध्ये, ४६२ चोरीच्या प्रकरणांचा शोध लागला आणि ३०८ प्रकरणांची उकल करण्यात आली.

प्राणघातक हल्ला विभागात, २०२२ मध्ये २५० प्रकरणे नोंदवली गेली आणि त्यापैकी २४१ प्रकरणे सोडवली गेली. २०२३ मध्ये, २२४ हल्ल्याची प्रकरणे नोंदवली गेली आणि २२१ प्रकरणे सोडवली गेली.

दोन्ही वर्षांत मोटार वाहन अपघाताच्या घटनांची संख्या लक्षणीय आहे. 2022 मध्ये, 289 अपघातांची प्रकरणे नोंदवली गेली आणि 281 प्रकरणे सोडवली गेली. 2023 मध्ये 267 प्रकरणे नोंदवली गेली त्यापैकी 260 प्रकरणे सोडवण्यात आली.

दरोड्याची १४ प्रकरणे

गोवा पोलिसांनी 2022 आणि 2023 मध्ये सर्व दरोड्याचे प्रकरण शोधून काढण्यात यश मिळवले आहे. 2022 मध्ये 14 प्रकरणे नोंदवली गेली आणि ती सर्व सोडवली गेली आणि २०२३ मध्ये ११ प्रकरणे नोंदवली गेली आणि सर्व 11 प्रकरणे सोडवली गेल्याची माहिती पोलिस खात्याकडून प्राप्त झाली.

‘हत्येचा प्रयत्न’ 18 प्रकरणे

उपलब्ध माहितीनुसार ''हत्येचा प्रयत्न'' कलमाखाली 18 गुन्ह्यांची नोंद करण्यात आली होती आणि त्या सर्वांची उकल करण्यात आली होती. त्याचप्रमाणे 2023 मध्ये 26 प्रकरणे नोंदवली गेली आणि ती सर्व सोडवली गेली.