वास्को:संसदीय लोकलेखा समितीने गोवा नौदल क्षेत्राला भेट दिली अधीर रंजन चौधरी यांच्या नेतृत्वाखालील संसदेच्या अकरा सदस्यीय लोकलेखा समितीने लोकसभा सचिवालय आणि संरक्षण मंत्रालयाच्या अधिकाऱ्यांसमवेत, नूकतीच गोवा नौदल क्षेत्राला भेट दिली.

गोव्याचे प्रभारी नौदल अधिकारी कमोडोर आशिष गोयल यांनी या प्रतिनिधींचे स्वागत केले. समितीने नौदल हवाई स्टेशन आयएनएस हंसाला भेट दिली आणि तेथे गोवा क्षेत्राचे फ्लॅग ऑफिसर कमांडिंग रिअर अॅडमिरल फिलिपोस जी प्यनुमूतिल यांनी स्वागत केले.

समितीसमोर भारतीय नौदलाच्या हवाई ऑपरेशन्सचे सादरीकरण करण्यात आले. ज्यामध्ये भारतीय नौदलाने सुरू केलेल्या आधुनिकीकरण प्रकल्पांची माहिती प्रतिनिधींना देण्यात आली. त्यानंतर प्रतिनिधींनी फ्लाय-पास्टसह ऑपरेशनल प्रात्यक्षिक पाहिले.मिग 29 के, डोनियर 228, कामोव 31 आणि एएलएच विमाने. बोईंग पी-8 आय आणि आयएल 38 एसडी विमानांच्या स्थिर प्रदर्शनात पीएसी सदस्यांना लाँग रेंज मेरीटाईम रीओनेसान्स ऑपरेशन्सबद्दल देखील माहिती देण्यात आली. त्यानंतर, त्यांना नेव्हल एव्हिएशन म्युझियममध्ये व्हिंटेज विमाने, इंजिन आणि शस्त्रास्त्रांचा मार्गदर्शनपर दौरा देण्यात आला जो भारतीय नौदलाच्या हवाई दलाचा समृद्ध इतिहास आणि वारसा प्रदर्शित करतो.