पाटो परिसरात सध्या बांधकाम क्षेत्रात कार्यरत असणाऱ्या एका प्रख्यात कंपनीचे इमारत उभारणीचे काम सुरू आहे. त्या कंपनीची कार्यालये थेट रस्त्यावर थाटण्यात आल्याने त्याविरोधात एका सामाजिक कार्यकर्त्याने त्याविरोधात महापालिका आयुक्तांकडे आक्षेप नोंदविला आहे.

या तक्रारीची नोंद संबंधित कंपनीने घेतली असून, लवकरच ती कार्यालये हटविण्यात येतील असे सांगितले आहे.

बांधकाम व्यवसायात देशभर प्रख्यात असलेल्या एका कंपनीचा प्रकल्प उभा राहत आहे. त्यासाठी या ठिकाणी पायलिंगचे काम सुरू झालेले आहे.

कंपनीने आपली फिरती कार्यालये रस्त्यावरच उभी केल्याने त्याचा अडथळा वाहनांना होत असतो.

शिवाय कला व संस्कृती खात्याच्या समोरील रस्ता मलनिस्सारण वाहिनी टाकण्याच्या कामामुळे वाहतुकीस बंद आहे.

त्यामुळे येथील माती शेजारील रस्त्यावर पडत असल्याने या परिसरात वाहनांमुळे धूळ पसरलेली असते. दुपारी या परिसरात जाणेही मुश्‍किल असते, अशा तक्रारी येथील कर्मचाऱ्यांनी केलेल्याआहेत.