Panaji Police Raid on Porvorim Fake Call Centre: पर्वरीतील एका अवैध कॉल सेंटरवर छापा टाकून पणजी पोलिसांनी येथे काम करणाऱ्यांना अटक केली आहे. येथून जवळपास 15 लाखांचा मुद्देमाल जप्त केला आहे. पोलिस निरीक्षक विकास देयकर यांच्या नेतृत्वाखाली पणजी पोलिसांच्या गुन्हे शाखेने हा छापा टाकला. ओरलँडो गार्डन, अल्टो तोर्डा, पर्वरी येथे हा छापा टाकण्यात आला.

याठिकाणी अवैध कॉल सेंटर चालवले जात असल्याची विश्वसनीय माहिती पोलिसांना मिळाली होती. छाप्यादरम्यान या कॉल सेंटरवर एकूण 18 जणांना अटक करण्यात आली. आरोपींच्या ताब्यातून 13 लॅपटॉप, 13 मोबाईल फोन, 04 मोडेम आणि 04 राउटरसह सुमारे 15 लाख रूपयांचा मुद्देमाल जप्त करण्यात आला आहे.

सर्व आरोपींना अटक करण्यात आली असून या प्रकरणाचा पुढील तपास पोलिस निरीक्षक नारायण चिमुलकर करत आहेत.

हे सर्व संशयित आरोपी अमेरिकेतील नागरिकांचे वैयक्तिक तपशील मिळवत होते. ज्यांनी आपल्या देशात विविध प्रकारच्या कर्जासाठी अर्ज केला होता. ई-लोन कंपनीचे कर्मचारी किंवा मर्चंट कॅश कंपनीचे अशी तोतयागिरी करून आरोपींनी त्यांच्या मोबाइल फोनवर आणि लॅपटॉपवर इन्स्टॉल केलेल्या गुगल व्हॉईस अॅप्लिकेशनद्वारे त्यांना कॉल करत होते.

ई लोन कंपनी किंवा मर्चंट कॅश कंपनीचे कर्मचारी असल्याचे सांगत हे संशयित आऱोपी कॉल करायचे.ज्यांनी आपल्या देशात विविध प्रकारच्या कर्जासाठी अर्ज केला आहे, अशाच लोकांचा वैयक्तिक तपशील हे संशयित आरोपी मिळवत होते. फोन किंवा लॅपटॉपवर डाऊनलोड केलेल्या गुगल व्हॉईस अॅप्लिकेशनद्वारे हे कॉल केले जायचे.

कर्ज वाटपाच्या बहाण्यानेही फसवणूक केली जायची. या कर्जाच्या रकमेवर 10 टक्के प्रक्रिया शुल्क घेतले जात होते. त्यांनी कर्जदार ग्राहकांना गुगल प्ले गिफ्ट कार्ड, अॅपल पे गिफ्ट कार्ड, वॉलमार्ट गिफ्ट कार्ड, टार्गेट गिफ्ट कार्ड यांसारख्या ऑनलाइन पेमेंटद्वारे प्रक्रिया शुल्क/ सुरक्षा ठेव भरण्याचे निर्देश दिले जात होते.

याद्वार दिलेली रक्कम यूएसएमधील एजंटने सागर मेहतानी याला भारतात हवाला व्यवहाराद्वारे हस्तांतरित केली गेली आहे. सागर मेहतानी आणि त्याची पत्नी बन्सरी तनवाणी हे मुख्य आरोपी असून ते हे बनावट कॉल सेंटर चालवत होते.