गोवा पोलिसांनी अमली पदार्थाविरोधात कारवाईचा धडाका कायम ठेवला आहे. राज्यातील वाढलेल्या अमली पदार्थबाबतच्या गुन्हेगारीला आळा घालण्यासाठी प्रयत्न केले जात आहेत. या पार्श्वभूमीवर आज पणजी येथे अमलीपदार्थ बाळगल्या प्रकरणी एकावर कारवाई करण्यात आली आहे.

(Panaji police arrested Milan Magar in Forest Garden for possession of drugs)

मिळालेल्या माहितीनुसार आज पणजी पोलिसांनी फॉरेस्ट गार्डनमध्ये कारवाई केली आहे. या कारवाईत अमली पदार्थ बाळगणाऱ्या मिलन मगर (22) याला अटक केली आहे. मगर हा मुळचा मणिपूर येथील असून त्याला अटक करण्यात आली आहे.

पणजी पोलिसांनी दिलेल्या माहितीनुसार फॉरेस्ट गार्डनमध्ये एक व्यक्ती अमली पदार्थ विक्रीसाठी येणार असल्याची माहिती मिळाली होती. त्यावरुन पोलिसांनी सापळा रचला असता संशयित मिलन मगर घटनास्थळी दाखल झाला. यावेळी पोलिसांनी मगर याचा तपास केला असता, त्याच्याकडून सुमारे 2 लाखाचे 109 ग्रॅम चरस जप्त केले आहे. सध्या या प्रकरणाचा तपास सुरु असून संशयिताचा आणखी कोणत्या गुन्ह्यात समावेश आहे का? याचा तपास सुरु असल्याची माहिती दिली आहे.