Panjim Road Issue : तिसवाडी, राज्यात रस्त्यांची स्थिती खूपच वाईट झाल्याने वाहनचालक आणि वाहतूकदारांचे हाल होत आहेत. त्यात राष्ट्रीय महामार्गासंदर्भात देखील अनेक तक्रारी येत आहेत.
आता तर पणजी-मडगाव महामार्गाला सांताक्रुझ येथील उड्डाणपुलावर भेगा पडल्या आहेत. त्यामुळे अपघात होण्याची शक्यता वाढली आहे. तसेच जीवाला धोका निर्माण झाला आहे.
.यापूर्वी याच महामार्गाच्या बांबोळी येथील उड्डाणपुलावर देखील भेगा गेल्या पडल्या होत्या. कोट्यवधी रुपये खर्च करून केलेला हा क्राँक्रीटचा रस्ता आपल्या निकृष्ट दर्जाच्या कामासाठी कुप्रसिद्ध आहे.
तसेच रस्ता समतल नसल्याच्या अनेक तक्रारी देखील आजही येत आहेत. महामार्गावर अनेक टप्प्यांमध्ये मूलभूत नियमांचे पालन न केल्याचे दिसून येत असल्याच्या तक्रारी सोशल मीडियावर केल्या जात आहेत.
पणजी-मडगाव महामार्गाचे बांधकाम हे नियमांचे उल्लंघन करून झाले आहे. यात सार्वजनिक बांधकाम खात्याकडून गुणवत्तेचे निरीक्षण न केल्याचे स्पष्ट होत आहे. दक्षता विभागाकडून याची चौकशी करावी. या रस्त्याचे काम निकृष्ट दर्जाचे झाल्याच्या तक्रारी येत आहेत.
- मिलिंद प्रभू, रस्तातज्ज्ञ
या मार्गावरील भेगांमुळे रोज कामासाठी वाहतूक करणाऱ्या दुचाकीस्वारांच्या जीवाला धोका निर्माण झाला आहे.
कोट्यवधी रुपये खर्च करूनही रस्त्याची दुरवस्था झाल्याने ठेकेदाराने निकृष्ट दर्जाचे काम केल्याचे स्पष्ट होते. शासनाने तातडीने रस्ता ठेकेदारावर कारवाई केली पाहिजे.
- मेल्विन फर्नांडिस, सामाजिक कार्यकर्ते
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.