Goa News : विश्व कोकणी रंगश्रेष्ठ पुरस्कार जाहीर करण्यात आले आहेत. सुप्रसिध्द अभिनेते अजित केरकर यांना कोकणी नाटकातील दीर्घकालीन योगदानासाठी प्रतिष्ठेचा मंगळूरच्या विश्व कोकणी केंद्राचा डॉ. पी. दयानंद पै विश्व कोकणी रंगश्रेष्ठ पुरस्कार-2022घोषित झाला आहे.

एक लाख रुपये व मानचिन्ह अशा स्वरूपाचा हा पुरस्कार त्यांना ९ फेब्रुवारी येथे मंगळुरात होणाऱ्या विशेष सोहळ्यात प्रदान करण्यात येणार आहे.

अजित केरकर यांनी कोकणी रंगमंचासाठी रंगसंपन्न प्रतिभा व सृजन उन्मेष यांद्वारे मागील पाच दशके बहुमूल्य योगदान दिले आहे. अनेक बक्षिसे त्यांनी स्पर्धेत प्राप्त केली आहेत. नेपथ्य व दिग्दर्शनातही प्रावीण्य मिळवले आहे.

त्यांनी सतत चारदा प्रथम क्रमांकाचे बक्षीस मिळवण्याचा विक्रम करताना एकंदर सातदा अभिनयाचे प्रथम बक्षीस प्राप्त केले आहे. दोरेमिफा, तुळाभार, एवम इंद्रजीत, चैतन्याक मठ ना, पिपळ पेटला व इतर अनेक नाटकांतील त्यांच्या भूमिका यादगार ठरल्या आहेत.

दरम्यान, कोकणी साहित्याचा इंग्रजीत अनुवाद केल्याबद्दल विद्या पै यांना डॉ. पी. दयानंद पै विश्व कोकणी अनुवाद पुरस्कार- २०२२ घोषित झाला आहे.

विद्या पै यांनी अनेक कोकणी कथा व कादंबऱ्या इंग्रजीत अनुवादित केल्या आहेत. पुरस्काराचे परीक्षक म्हणून पय्यनूर रमेश पै, गोकुळदास प्रभू, डॉ. किरण बुडकुले आणि मेलवीन रॉड्रिग्स यांनी काम पाहिले.