पाच राज्यांतील विधानसभा निवडणुकीत काँग्रेसच्या खराब कामगिरीनंतर पक्षात सुरु असलेल्या वादाच्या पार्श्वभूमीवर पी चिदंबरम (P Chidambaram) यांनी गुरुवारी जाहीरपणे गांधी कुटुंबाच्या समर्थनार्थ बाहेर पडले आहेत. काँग्रेसचे (Congress) ज्येष्ठ नेते चिदंबरम यांनी माध्यामाला दिलेल्या मुलाखतीदरम्यान सांगितले की, "पक्षाच्या नुकत्याच झालेल्या निवडणूकीतील पराभवासाठी गांधी कुटुंबाला जबाबदार धरता येणार नाही." त्यांनी G-23 अर्थात काँग्रेसच्या असंतुष्ट नेत्यांना पक्षात फूट पाडू नये, असे आवाहनही केले आहे. चिदंबरम पुढे म्हणाले, "गांधी कुटुंबाने पराभवाची जबाबदारी स्वीकारली, तशी मी गोव्यातील आणि इतर राज्यांतील पराभवाची जबाबदारी स्वीकारली." (P Chidambaram said he accepted responsibility for the defeat in Goa and other states)

ते पुढे म्हणाले, “कोणीही जबाबदारीपासून पळून जाण्याचा प्रयत्न करत नाही. परंतु नेतृत्वाच्या स्थितीत, जबाबदारी ब्लॉक, जिल्हा, राज्य आणि AICC स्तरापर्यंत प्रत्येकाची असते. AICC नेतृत्व जबाबदार असल्याचे असे म्हणणे योग्य नाही.'' (P Chidambaram News Updates)