गोव्यात तुफान पावसाने सगळीकडे दाणादाण करून सोडली आहे. अनेक ठिकाणी पडझड आणि लाखोंचे नुकसान झाले आहे. त्याचबरोबर 15 जुलैपर्यंत मुसळधार पावसाची शक्यता वर्तवली आहे. 14 जुलैपर्यंत राज्यात ऑरेंज अलर्ट जारी करण्यात आला आहे.

(Orange alert in the state until July 14)

हवामान विभागाकडून मिळालेल्या माहितीनुसार, येत्या काही दिवसांत उत्तर आणि दक्षिण गोव्यात अत्यंत मुसळधार पावसाची शक्यता आहे. 14 जुलै रोजी दोन्ही जिल्ह्यांमध्ये 1-2 ठिकाणी अत्यंत मुसळधार पावसाची (>24 तासांत 20 सेमी) शक्यता आहे. दरम्यान मच्छिमारांना 5 दिवसांसाठी सतर्कतेचा इशारा देण्यात आला आहे.

दरम्यान, कालपासून गोवा विधानसभेच्या अधिवेशनाला सुरुवात झाली आहे. या दरम्यान सर्व विद्यमान आमदारांनी गोव्यातील महत्वाचे विषय विधानसभेत मांडले. दरम्यान, पावसामुळे घरावर झाडे कोसळून ज्यांच्या घरांचे नुकसान झाले आहे अशांना जास्तीत जास्त नुकसान भरपाई देण्यात येईल असे आश्वासन बाबूश मोन्सेरात यांनी दिले.

त्याचबरोबर, जी झाडे धोकादायक आहेत, त्यांना मुळापासून कापण्याचे आदेश जिल्हाधिकाऱ्यांना दिले असल्याचेही त्यांनी सांगितले.