म्हापसा: आरोग्य क्षेत्राला नवी दिशा देणाऱ्या आणि एकाच छताखाली सर्वसमावेशक उपचार उपलब्ध करणाऱ्या ‘ऑप्टिमस डायबिटीस सेंटर ॲण्ड मल्टिस्पेशालिटी हॉस्पिटल’चे दिमाखात उदघाटन झाले.

आरोग्यमंत्री विश्वजीत राणे यांच्या हस्ते या ५० खाटांच्या सुसज्ज रुग्णालयाचे लोकार्पण करण्यात आले. या सोहळ्यास उपसभापती जोशुआ डिसोझा उपस्थित होते. डॉ. प्रीतम आणि ज्येष्ठ शल्यचिकित्सक डॉ. अमित कळंगुटकर यांनी या रुग्णालयाची उभारणी केली आहे.

आरोग्यमंत्री राणे म्हणाले, डॉ. अमित आणि डॉ. प्रीतम यांनी जनसेवेच्या ध्येयातून सुरू केलेला हा प्रकल्प अत्यंत प्रशंसनीय आहे. गोव्यातील जनतेला जागतिक दर्जाच्या आरोग्य सुविधा मिळवून देण्यासाठी शासन कटिबद्ध असून खासगी आरोग्य यंत्रणेनेही यात पूरक भूमिका बजवावी. यावेळी डॉ. अमित कळंगुटकर, उपसभापती जोशुआ डिसोझा यांनीही मनोगत व्यक्त केले.