मडगाव: सांगेचे अपक्ष आमदार प्रसाद गावकर (Prasad Gavkar) याना काँग्रेस पक्षात प्रवेश देण्यास सांगे (Sanguem) गट काँग्रेसने (Congress) विरोध केला असून आज या गट सदस्यांनी विरोधी पक्षनेते दिगंबर कामत (Digambar Kamat) यांची भेट घेऊन आपले म्हणणे म्हणणे मांडले. सांगेविषयी कुठलाही निर्णय घेताना गट समितीला विश्वासात घ्यावे अशी मागणी केली.

कामत यांची भेट घेणाऱ्यामध्ये अभिजित देसाई (Abhijit Desai) रजनीकांत नाईक (Rajinikanth Naik) व अन्य सदस्यांचा समावेश होता. सांगेचे अपक्ष आमदार प्रसाद गावकर यांनी काँग्रेस पक्षात प्रवेश करण्याची तयारी केली आहे त्या पार्श्वभूमीवर ही भेट घेण्यात आली होती. या भेटीबद्दल बोलताना रजनीकांत नाईक यांनी , सांगेत काँग्रेसचा उमेदवार कोण असावा याचा निर्णय परस्पर न घेता काँग्रेस गटाला विश्वासात घेऊनच घ्यावा अशी मागणी केल्याचे सांगितले. यावेळी कामत यांनी या गटाच्या सदस्यांची काँग्रेस प्रभारी दिनेश गुंडू राव यांच्याशी भेट घालून देण्याचे त्यांना आश्वासन दिले. (Opposition to tell Prasad Gavkar to join Congress)

दरम्यान नंतर प्रसारमाध्यमांशी बोलताना अभिजीत देसाई यांनी प्रसाद गावकर हे निष्क्रिय आमदार असल्याने लोक त्यांच्यावर नाराज आहेत. त्यांना काँग्रेसमध्ये घेऊन काहीच फायदा होणार नाही असे सांगितले. प्रसाद गावकर याना आता आपण अपक्ष म्हणून निवडून येऊ शकत नाही हे उमजून आलतामुळेच ते काँग्रेस पक्षात येऊ पाहतात असे सांगितले .

मागच्या जिल्हा पंचायत निवडणुकीत त्यांनी काँग्रेसच्या विरोधात काम केले होते. या निवडणुकीत त्यांचे भाऊ उतरले होते. त्यानाही त्यांना निवडून आणता आले नाही. या उलट आपण एसटी बहुल या मतदारसंघात 3500 मते घेतली असे देसाई यांनी सांगितले.