Purple Fest : राज्यात ८ ते १३ रोजी पर्पल फेस्टचे आयोजन करण्यात आले आहे. या महोत्सवात विविध कार्यक्रम आहेत. गायक सुदेश भोसले, कैलास खेर तसेच कार्तिक कृष्णमूर्ती, दिवाकर शर्मा, डान्सर विकास सावंत आणि गट, विकट्री आर्ट फाऊंडेशन, नव उत्थान संघ, फ्लोविंग कर्मा बॅंड, कमलेश पटेल सुशांत दिगवीकर आदीसहित इतर दिव्यांग कलाकारांचे दररोज सायंकाळी ७ ते १० दरम्यान कार्यक्रम होणार आहेत.

जेणेकरून दिव्यांग नागरिकांना, विद्यार्थ्यांना यावेळी आपल्या कलागुण सादर करण्यासाठी व्यासपीठ मिळणार आहे.

गायक सुदेश भोसले हे गोमंतकीय दिव्यांग मुलांसोबत ११ जानेवारी रोजी सादरीकरण करणार आहेत. यावेळी दिव्यांग मुले आपले कलागुण प्रदर्शित करतील. त्यासोबतच ‘जीग्यासा’ हा गोमंतकीय कलापथकासोबत गोव्यातील दिव्यांग विद्यार्थी, कलाकार १३ जानेवारी रोजी नृत्य सादर करणार आहेत.

राष्ट्रीय-आंतरराष्ट्रीय चर्चासत्र

दिव्यांगांच्या विविध प्रश्‍नांसंबंधी विचारमंथन करण्यासाठी त्यावर उपाययोजना सुचविण्यासाठी मूकबधिर तसेच दृष्टिहीन दिव्यांगांसाठी तसेच शिक्षण, रोजगार, तसेच देशभरातील सर्व दिव्यांग आयुक्तांची परिषद आदी कार्यक्रम होणार असून त्याद्वारे दिव्यांगाचे जीवन अधिक सुरळीत कशा स्वरूपात करता येईल, यावर लक्ष दिले जाणार आहे.