गोव्यात आज (26 ऑगस्ट) सलग दुसऱ्या दिवशी कोरोना रूग्णाच्या मृत्यूची नोंद झाली आहे. काल (गुरूवारी) देखील एका रूग्णांच्या मृत्यूची नोंद झालीय. आज दिवसभरात नवीन 127 रूग्णांची नोंद झाली आहे. राज्यातील सक्रिय रूग्णांची संख्या कमी होऊन ती 983 एवढी झाली आहे. आज एका रूग्णाला रूग्णालयात दाखल केले आहे.

आरोग्य विभागाने प्रसिद्ध केलेल्या आकडेवारीनुसार, गोव्यात आजवर 2 लाख 55 हजार 689 जणांना कोरोनाची बाधा झाली आहे. त्यापैकी 2 लाख 50 हजार 747 जणांना डिस्चार्ज देण्यात आला आहे. आज 156 कोरोनामुक्तांना डिस्चार्ज देण्यात आला आहे.

राज्याचा रिकव्हरी रेट 98.07 टक्के एवढा आहे. राज्यात कोरोनामुळे 3,959 रूग्ण दगावले आहेत. दरम्यान, आज दिवसभरात 1,100 प्रयोगशाळा नमुने तपासले आहेत.